អន្តរជាតិ៖ ទីក្រុង Copenhagen បានបង្ហើបឱ្យដឹងថាខ្លួននឹងអនុញ្ញាតឱ្យជនជាតិដាណឺម៉ាក ចូលរួមជាមួយកងកម្លាំងយោធាអន្តរជាតិរបស់ក្រុងគៀវ ដែលគ្រោងនឹងបង្កើតដើម្បីជួយដល់យោធារបស់ពួកគេក្នុងជម្លោះជាមួយរុស្ស៊ី។
នាយករដ្ឋមន្ត្រីដាណឺម៉ាកលោកស្រី Mette Frederiksen បានលើកឡើងថា នេះគឺជារួមចំណែកដោយផ្ទាល់ដើម្បីជួយដល់ប្រជាជនអ៊ុយក្រែន។
លោកស្រីនិយាយថា៖ «អ្នកទាំងអស់គ្នា និងអឺរ៉ុបទាំងមូលកំពុងត្រូវបានគំរាមកំហែងដោយរុស្ស៊ី»។
ការលើកឡើងរបស់លោកស្រី Mette Frederiksen បន្ទាប់ពីប្រធានាធិបតីអ៊ុយក្រែនលោក Volodymyr Zelensky បានប្រកាសពីការបង្កើតកងវរសេនាធំការពារទឹកដីអន្តរជាតិរបស់អ៊ុយក្រែន ដែលអនុញ្ញាតឱ្យជនបរទេសអាចចូលរួមក្នុងជួររបស់យោធាអ៊ុយក្រែនប្រឆាំងនឹងកងកម្លាំងរុស្ស៊ី៕
